بسم الله
الرحمن الرحيم ..
الحمد
للذي أتم علي هذا الترم بكل ما يحمله من جمال وصعوبات
الحمدلك
ربي
.. .. ..
.. .. ..
بذكر
نقطة مهمة .. انا وصاحباتي ماشين عكس الناس =))
يعني
هالمواد مفروض اخذها الترم الثاني من اول سنة تخصص ..
بس اغلب
اللي معاي فيه لخبطة بخطتهم لانهم حذفو مواد او انهم محولين من تخصص ثاني يعني
حاجات زي كذا ^^
المهم ..
نبدأ
بمواد هالترم :
هالمادة
فيها نظري وعملي .. وبالعربي
النظري :
تحكي عن الفيروسات بشكل عام .. يعني تركيبها وامثلة عليها و آليات التضاعف
والاصابة الفيروسية والعوامل المؤثرة فيها .. يعني حاجات بسيطة مره
اللي
درستني نظري د.أسماء الصالح .. أتعب وانا اقول جمال جمال جمال :"" لا من
شرح ولا من أسلوب ولا من تعاون كل شيء كل شيء :"" جد هالدكتورة أي مادة
خذوها عندها
العملي :
راح تحقنون نبات بالفيروس وتتابعونه لمدة شهر تقريبا وتكتبون تقرير عنه .. وفيه
عندكم بعد تجربة البلاكات .. وتجربة تقيسون بعض التأثيرات على العصير الفيروسي
وهذي بعد فيها حقن ومتابعة .. وفيه أستخلاص على ما اذكر
اللي
درسونا 2 .. وهذا النظام مره شتتنا هالترم انه يكون فيه استاذتين للنظري
:"".. اللي عطونا : أ.نورة الكبيسي و أ.أمل العتيبي
أ.نورة
شرحها جميل مره وتخلي المحاضرة تدخل بمخك غصب .. بس تراها دقيقة مره بالأسئلة ..
يعني ركزوا زين واكتبو معاها .. بالنسبة لـ أ.أمل تحب الفراغات مره .. وتجيب من
الخطوات العملية بعد وتعشق الارقام ..
ملفات
مهمة :
هذي
أسئلة كتبناها للنظري .. مجموعة هنا بالرابط
http://www.4shared.com/file/T9SOj7Hyba/___online.html
وهذا الرابط
بتحصلون تقريري تبع النبتة( التجربة الأولى) .. حطيته لكم عشان تستفيدون وتعرفون
كيف التقرير يكون ..
http://www.4shared.com/file/pc3UvDJ7ce/___.html
وهنا
تحصلون تقرير اختبارات الحساسية حطيته لكم لانه طويل وقلب راسي وانا ارتبه =))
عشان كذا اسهل لكم خذوه جاهز وعدلوعليه حسب النتايج اللي طلعت لكم بس تأكدو من
أستاذتكم قبل ^^ يمكنها تبي شي زيادة
http://www.4shared.com/file/2xJ0w40Rce/_________.html
هالمادة
فيها نظري وعملي .. وبالعربي
النظري : تحكي المادة عن الفطريات بعد بشكل عام
.. أساسا اغلب المواد هالترم حتكون عامة .. لكن اللي بأقوله أحفظو الأسماء أول
بأول .. لا تغلطون زيي وتراكمونها كلها :""
اللي
درستني د.منيرة العثمان .. أنسانة تخليك تحبين المادة غصب .. وسواليفها تهبل تهبل
:"" تقول لنا قصص جميلة مرة يعني ما تخلينا أبدا نطفش من المحاضرة ..
وعليها طيبة قلب :"" ودك تحطينها فوق راسك وتمشين :"" بالنسبة
لإختباراتها .. تبدأ سهلة مرررة بس تصعب شوي شوي .. مو مره صعبة يعني مثلا من
مقياس 10 اول ميد يكون 1 ثاني ميد 3 الفاينل 5 يعني زي كذا ^^
العملي :
مافيه شغل كثير أغلبه تعرفي ومجاهر عشان كذا فيه أنواع كثيرة مرة .. واخذنا فيه
فاينلين .. لانه كان كثير فسهلو علينا الله يسعدهم .. اللي درسوني أ.نجلاء آل
الشيخ و أ.ريم الجويعي ..
بالنسبة لـ أ.نجلاء بهالمادة كان شرحها جدا جميل
.. وتفهمنا كل شيء صح ^^ وكانت تخلينا نرسم .. بالبداية ماكان عاجبنا الوضع بس
بعدين ماسهل علينا الفاينل الأول الا هالشي :"" .. بعدها درستنا
أ.ريم الله يسعدها قالت لنا نصيحة مهمة مرررة ..
قالت : " لا تحفظون الصور والمجاهر حفظ.. افهموها .. وانتو تدرسون كل نوع
أمسكو الصور وأقرأو الصفات وشوفوها عشان تثبت بمخكم " وجد هالطريقة فادتني
شخصيا كثير مرة .. والله يسعدها ساعدتنا بشكل كبير بالفاينل
ملفات
مهمة :
هنا
بالرابط بتحصلون ملف فيه جدول لأغلب أسماء الفطريات اللي بالمنهج النظري تقريباً
http://www.4shared.com/file/3Kr3iKvOba/___online.html
+
مخطط لطرق تغذية الفطريات
http://www.4shared.com/file/2shLKbr_ce/______.html
هالمادة
فيها نظري وعملي .. وبالعربي
النظري :
تحكي عن اساسيات البكتيريا يعني تركيبها وحركتها وطريقة تكاثرها حاجات بسيطة لكن
المنهج كان كثير شوي .. بس مضموناً لا يعني حاجات تعتبر بسيطة ^^ وفيه اسماء بعد
لازم تنحفظ أول بأول
درستني
د.ميسون .. تحب تسأل عن المحاضرة السابقة وتقدر اللي تقرأ المحاضرة قبل لا تجي
تشرحها هي .. اختبار الفاينل اسهل بكثير من الميدات يعني عكس د.منيرة .. تحب تجيب
أسماء بكتيريا بالميدات فركزو كويس عليها ..
العملي :
فيه شغل كثير بس سهل مره مره وممتع و اللي بتسوونه هنا نفسه نفسه بتسوونه
بالمهارات والاساسيات حقت حدق 140 كلها بتنعاد يعني لا تشيليون همها ^^ .. اللي
درسوني أ.هويدا وأ.نجلاء آل الشيخ
أ.هويدا
شرحها ماعليه كلام .. بس تراها عصبية =)) يعني فيه حاجات انتبهي تسوينها عشان ما
تعصب عليك .. العلك انسيه.. الاكل والشرب لا تشوفه .. جوالك صامت وبالشنطة .. شعرك
اربطيه واللاب كوت سكريه =)
هذولي
دامك ملتزمة فيها فوضعك تمام .. واكتبي معاها وهي تشرح لانها تجيب من الشرح حقها
^^ .. وانتبهي انتبهي انتبهي تحوسين بخطوات التجربة يعني وهي تقولها اكتبي معاها
خطوة بخطوة عشان تطبقين ومره تقدر البنات اللي منتبهين ويجاوبون معاها عالاسئلة
اللي تحتاج سرعة بديهة ..
بالنسبة
لـ أ.نجلاء .. بالنسبة لي أحسها ابدعت بالفطريات اكثر بكثيييير من البكتيريا من
ناحية الشرح
بس ما
قصرت معانا بالتطبيق بالتجربة الله يسعدها ..
واهم شي
فيه تجارب فيها صبغات .. انتبهو تحوسون الدنيا ونفسكم فيها .. ^^
المادة
بالانجليزي وفيها عملي بس ^^
درستني
كاكشان .. المادة سهلة ولطيفة وحتى تقاريرها ما يبيلها شي أبد ^^ واساسا اعادة لكل
اللي تاخذونه بالبكتيريا عملي .. نفسه نفسه اللهم بالانجليزي
كاكشان
اسئلتها كانت دقيقة والله .. يعني وانتم تذاكرون ركزو زين زين
هالمادة
فيها نظري وعملي .. وبالعربي
النظري :
المادة مو صعبة أبداً .. يعني تحكي عن الكائنات المجهرية اللي تكون معلقة في
الموية .. كمية المحاضرات مو كثيرة ^^ .. اخذتها عند دكتورة سارة الراشد ..
أسلوبها مره هادي واي شي تقول لكم اكتبو عليه سؤال ركزو عليه زين واعرفو انه
غالباً راح يجي ان شاء الله .. ومره تعشق الرسم .. أي شي فيه رسم ركزو عليه كويس
وجيبو
ملازمكم دايم معاكم .. تعصب ترى اذا نسيتوها عشان تخططون فيها ^^
وهذا
الجدول جابته لنا في الميد الاول والثاني والفاينل :
العملي :
برضو مو صعب .. يعني المعامل اللي تشتغلون فيها يمكن 4 وكلها تجاربها سهلة بس تاخذ
وقت .. يعني ممكن تجلسون ساعة ونص الى ساعتين .. اللي عطوني المعمل أ.هدى الخطيب و
أ.أمل العتيبي
الاسئلة
حقت أ.هدى كان فيها تعرفي و الفراغات دقيقة شوي يعني ركزو بالكلام وبالنسبة لـ
أ.أمل زي ما قلت لكم من قبل تحب الارقام ومعلومات العملي كثير ..
ملفات
مهمة :
هنا
بتحصلون ملف لو اخذتو المادة مع د.سارة الراشد ضروري تحفظونه زي اسمكم
جابت لنا
السؤال حقه بكل الميدات و بالفاينل .. جمعتها لكم عشان ما تجلسون تدورون الرسمات
بالملزمة والطوائف لانه كل شي بجهة =))
http://www.4shared.com/file/E4XADCUTba/_______.html
وبالنهاية
..
توكلي
على الله قبل كل شي وذاكري أول بأول وشدي على نفسك وبإذن الله ماراح يضيع لك تعب
ولا
تسمعين للي يقولون لك لا صعب وما تقدرين
ليست هناك تعليقات:
إرسال تعليق