السلام
عليكم ورحمة الله وبركاته
في هالتدوينة
بتكلم عن تجربتي مع عملية الليزك .. وكالعادة أي سؤال حسابي بالآسك وتويتر موجود
أسفل المدونة =)
المكان :
عيادات الكاف وهذا حسابهم بتويتر :alkaffclinics@
الدكتور :
علي الكاف
التكلفة
: ناسية كم بالضبط بس تقريبا 7500
بدايةً
مو كل الناس تضبط معاهم عملية الليزك ، لأنها تعتمد على القرنية، عشان كذا لازم
تروحون أول للدكتور اللي بتسوون عنده العملية يسوي لكم فحص، وبناءً على النتائج
يقرر أي نوع من عمليات تصحيح النظر يناسبكم ..
بالنسبة لي
بعد ما سوى لي الفحوصات وقرر لي إنها ليزك، سحبت سنة كاملة =) كنت مترددة مرة،
وسألت كثير ودورت كثير لين قررت إني خلاص لازم أسويها لأني ماعاد أتحمل حوسة النظارة
.. =))
قبل
العملية يسوون لكم فحص ، بعدين تلبسون لبس عمليات ويحطون لكم قطرات مخدرة ، تستنون
تقريباً 10 دقايق بعدين تدخلون غرفة العمليات .. العملية ما أخذت تقريباً 20 إلى
30 دقيقة .. الدكتور كان لطيف جداً، واخترته أمانةً بعد بحث طويل وكان يهمني إنه
يكون شخص يده متمرسة على إجراء العمليات ..
بالنسبة لطريقتها
نصيحة لا تشوفون لها فيديو أبد .. لما خلصت منها وشفت الفيديو قلت الحمدلله إني
مادريت قبلها إنه هذا اللي يصير =) لأنها بالصدق ما تحس بشيء غير خطوة راح يضغط
فيها على عينك شوي ولا الباقي ما تحسون أبد ..
وبس تخلص العملية تقومون عادي
وتشوفون ، بس لازم يكون معاكم مرافق لأن الرؤية بتكون مو واضحة مرة مرة وعيونكم ما
تقدرون تجهدونها .. وأول يوم بتنامون أصلاً . . وممنوع تجلسون عند شمس أو إضاءة
قوية
حساسية
العين للضوء بتجلس معاكم تقريبا من أسبوع إلى أسبوعين بعدين بتخف تدريجياً
طبعاً من
بكرا ترجعون للعيادة تسوون فحوصات عشان يتأكد الدكتور من نتائج العملية ..
النظر
المفروص يرجع على طول 6\6
بس بالنسبة
لي كان عندي مشكلة بعيني اليسار لأنه القرنية كانت منجرحة من قبل فكانت حساسة مرة
وصار فيها جفاف شديد عشان كذا أخذت وقت أطول من عيني اليمين ..
بيعطيكم
الدكتور نظارة شمسية + غطاء بلاستيكي واقي للعين تحطونه وقت النوم عشان ما تحكون
عيونكم بالغلط ، لأن المفروض ما تلمسون الجفن أبد أبد أول الأيام وتنتبهون من
الموية ، وبيوصفون لكم قطرات مضاد + قطرات مرطبة ..
المضاد تحافظون
عليه لمدة شهر تقريبا (بعدها فيه موعد مراجعة) .. وبيعطونكم ورقة فيها تعليمات
مهمة ..
الشيء
اللي ممكن يكون متعب شوي بعد العملية مسألة جفاف العين .. لازم دايم يكون معاكم
قطرات مرطبة ، وخاصة أول ما تصحون من النوم لأن العين تكون مقفلة وقت طويل فتجف ..
فيه
أماكن تسويها بأسعار أرخص زي الحبيب ، وعيادات الكاف يسوون عروض في رمضان ..
الأهم إنكم
تسألون وتبحثون كويس عن الدكتور قبل لا تتخذون قرار إجراء العملية عنده ..
ليست هناك تعليقات:
إرسال تعليق