Drama , My pretty cat

بسم الله الرحمن الرحيم 

دراما يا دراما =) هالكائن ماخذه من اسمها نصيب كبير , طبعا حابة اقول مو انا اللي مسميتها =) لانه كثير يقولون لي 

اسمها خايس , هي جايتني مسمية وماحبيت اغيره =) 

المهم نرجع لام الدرامات هذي =) 

الانسة عمرها تقريبا 8 شهور ونص , جابتها لنا خالتو بعد ما ماتت جولي الصغيرة :""" 

لحد يسأل : صحتي يوم ماتت ؟ 

اي صحت وشاهقت وكل شي -___-" 

هذي جولي : 

جاها زي الفايروس لانها لسه ماتطعمت :" 
كانت مره صغيررره ( كيتي) 

عاد دراما تصير خالة جولي =)) 

ماما اول ما جت دراما ماكانت طايقتها ابد ابد , تسميها الدودة ثقيلة الطينة

لانه مشيتها زي الدودة =) 

هذي الانسة دراما : 

فيها لقافة مو طبيعية , موتها موتها احد يطلع ولا يدخل ماتشوف مين 
خوافة بشكل مو طبيعي , ترفع ضغطي ودي اسطرها , تخاف من كل شي و من اي احد يجي البيت خاصة الصغار 
 (امس وديتها بطعمها , لما البيطري قاس درجة حرارتها
 قالي مرتفعة , هي عندها فقدان شهية ؟ 
قلت له لا طبيعية مره , 
قال اجل يمكن مع التوتر ارتفعت 
قلت ايه مره خوافة -__- " 
قالي مره واضح اساسا 
*فشلتنا* ) 

عليها نومات غريبة عجيبة =) تحب تجلس تتمطط , وتموت بالنومة على الاوراق =) ايام الاختبارات تجلس تنام على كتبي وملازمي 
وعلى طاري التسدح اذا مريت جنبها تنسدح على طول (تعالي لعبيني) 
احيانا اجلس استهبل عليها , اتخبى بمكان واطل , بعدين اتخبى بسرعة 
هنا هي تنهبل هههههههههه 
تجيني تهاوش =)))) 

عمتي ماتحب تاكل التونة , واساسا لما نحط لها اي اكل اول شي تشمه , بعدين تجلس تطالع فيك 
بعدييييييين تاكل 
طبعا ممنوع تجيب صحن ولا اكل وما تخليها تشمه 
يمكن تذبحك =) 

من الاشياء الغبية اللي تسويها ’ تنام على حافة الكنب او السرير ولما تتمغط تطيح ههههههههههه 

طبعا لما يجون يسألون عنها يقولون " شخبارك بنتك؟" =) وماما كل شوي 
شووووفي بنتك جالس تمخش الكنب , اكلتي بنتك ؟ 
انتي مهملة هههههههههه 
*والله مو مهملة بس عاد ماما =) *

جوالي مليان صورها عاد هذي كم صورة  =)

اتوقع واضح اني محومة كبدها صح ؟ =) 
فيها النوم وابثرتها كل شوي احارشها 
والله صابره علي 
لو انا منها كان مسكتني وجلدتني لين اقول ربي الله 

لما تنام احب اجلس اصور فيها =) وجهها يطلع جميل كانه Chinese 

خاصة لما تغمض عيونها غصب افطس عليها ضحك 

هههههههه 

هنا زعلانة علي هههههههههههه 

حومت كبدها كل شوي اهبل فيها =)) 

*ياكثر ماتزعل علي بس مافيني فايدة* 

هنا هي الغلطانة وكنت جالسة اهاوشها 

(معطتكم وضعية المظلومة لا تصدقونها ) 

نصاااابة تراها ههههههههه 

كانت تحوس على مكتبي وجلست اهاوش , بالعادة تخلي الوضع درامي اكثر 

تغمض عيونها =)))

عمتي حسستني انه المكان مكانها =)) 

لحد يكلمها العمة 

 

 هنا زعلانة علي بعد ههههههههه (ياكثر ماتزعل قلتلكم ماخذها من اسمها نصيب كبييير ) 

كانت تبيني العبها وكنت اصلي وجلست تتميلح عندي 

لما خلصت صلاة اناديها اناديها ماترد =)) 

حتى ما تلتفت علي =)) 

وبسس هذي بنيتنا الصغيرة =) 

بروح بعد شوي اطعمها :" عاد بتجلس يومين حرارة وتعب مسكينة الله يعينها :""