الجامعة وما ادراك ما الجامعة ! !
اول يوم داومت فيه بالجامعة كانت معي شذى يعني امن وامان =))
عاد شذى صديقة الطفولة الابدية 3> 3>
نروح سوى ونرجع سوى
كنت مرة مرة شايلة هم المجتمع الجامعي خاصة اني كنت دايم اسمع
ان الجامعة عالم اخر , وانها غير الثانوية تماما
غير طبعا التحذيرات اللي كل من شاف وجهي قالها لي , انتبهي من البنات , وانتبهي تتعرفين على بنات ماتعرفينهم
انا بس ابي افهم , كيف اتعرف على بنات انا اساسا اعرفهم ؟؟؟
المهم
جا ذاك اليوم ودخلنا هالجامعة , العالم المخيف
ماحسيت اني مره ضايعة بأرجاء الجامعة لان شذى كانت معاي , يعني الحمدلله كانت موجودة اتوقع من غيرها
كنت سأتخبط بالجدران
اول يوم لي , ماكان معاي احد بالكلاس تبعي , وتحسين نفسك كذا بمكان غريب , جالسة ساكتة وبس اشوف اللي رايح واللي جاي
بالطاولة اللي كنت جالسة فيها كان فيه بنت ( العنود )
سؤال ورى سؤال وسالفة ورى سالفة وسبحان الله , طلعت صاحبة وحدة من صاحباتي 3> 3>
هنا بغيت اخمها هههههههه يعني اخيرا شخص يعرف شخص اعرفه
العنود كانت اول شخص اعرفه ^^
بعدين جت بنت بثرة بثرة بثرة هههههه ( ملاك ) كل شوي تسألني =) هي اول اعضاء الشلة حقتنا =)
والله ماكانت بثرة ابدا بس هي تقول كل ما اذكر نفسي وانا اجلس اسأل احس اني بثرتك بثارة
عاد بعد التحضيري , يعني بعد سنة كاملة اكتشفت انها تقرب لنا , يعني تصير من بنات عمامنا ههههههه
ومن بعدها ما اناديها الا يابنت العم
غير اسمها العص طبعا =)
الحين صرت اعرف بنتين , حسيت اني ارتحت شوي
بعدها تعرفنا على بعض كل الكلاس ^^ يمكن اللي سهل تعرفنا كمان انه اغلبنا نفس الوضع ,يعني مايعرف احد بالكلاس
افنان كنت اخاف منها مره هههههههه ياربي هالانسانة كثر ماكانت نظراتها تخوفني كثر ما احبها الحين
كانت تخق عالكوريين بشكل وتجيب لنا صور وفيديو وتجلس تورينا =) هذا بعد ماطاحت الميانة بينا طبعا
مونيا عاد شي ثانية ( اسمها منيفة بس خلاص لصق بمخنا مونيا )
هالانسانة حشيش يمشي عالارض , اول ماشفتها ماجازت لي ابببببد هههههههه بس بعدين ودي افك قلبي كذا واجلسها واقفل عليها
اتعب وانا اقول جميلة جميلة
امنا منيرة , ههههههه صدق تحس كذا انها امنا مدري ليه , حركاتها حركات امهات =)) يمكن عشان اسمها منيرة !!
مره ماله دخل ادري
المهم صرنا مانناديها الا امنا منيرة 3> 3> , وهي دائما الشخص المعترض على السحبات دائما دائما
كل ماخططنا نسحب , تأنيب الضمير جواتها يدهر
ونجلس سنة نقنعها , يروح نص الوقت بس إقناع
هذي اول سنة , جامعتنا بمخرج 9 كانت جميلة , فيها ذكريات جميلة وكل شيء فيها جميل
يعني صار فيها مواقف كثيرة , وحاجات جميلة ماننساها
طبعا صاحباتي بالثانوي كمان كنا نلتقي مع بعض بكل وقت نقدر نلتقي فيها 3>
اروى وبسوم وسرّاء والبقية 3>
بعد مارحنا للجامعة اللي بالنرجس , هنا حسيت بالضيااااع ههههههه
ماغير افر و افر وافر واقرى بهاللوحات , خاصة اني ما كنت احب اسأل هذا بأول ترم لي
بعدها تعودت شوي مو كثير يعني ’ الترم الثاني
اول يوم داومت فيه وبسبب الفهاوة , حسبت الكلاس يبدا 10
وهو ينتهي اساسا 10 , لما وصلت الجامعة الساعة 10 , ضاق صدري ورحت جري على الكلاس تبعي
وصلت ومالقيت احد (طبيعي ما حألقى ليه ؟ لان الكلاس اساسا خلص)
جلست برى اطقطق بجوالي , قلت خليني اشوف وش عندي بعد هالكلاس
فتحت الجدول وكانت الصدمة الكبيرة
عندي الحين كلاس كيمياء !!!!!
وروحي يامدائن اركضي للكلاس الثاني , كان تحت
المهم وصلت يمكن 10 ونص , اول مادخلت قلت معليش ضيعت الكلاس
قالت : ( اطلعي برى , محد يدخل بعدي)
تحسبون جلست ابرر لها ؟؟
قلت ان شاء الله ههههههههه
طلعت وجلست برى , هذا اول يوم لي , رجعت البيت اصييح اصييح هههههه تحطمت مره
قلت هذا وهي اول سنة لي وش اسوي بعدين ؟؟
ذاك الوقت الدنيا حسيتها سكرت بوجهي , وكرهت تخصصي وكرهت الجامعة وكرهت كل شي صدق
بس كم يوم ورجع الوضع طبيعي =)) يعني جدا طبيعي تجيك هالاوقات لا تحسين انها كارثة
حتغلطي كثير , وحتنطردي , وحتشوفي دكتورات عجيبات , وحتتبهذلي , وحتطلع عينك
واحيانا حتحسي على قد ماتتعبي مايطلع معك نتيجة ولا شي
بس لما تتذكري كل هالاشياء
حتضحكي على نفسك =))
اللي أبي اقوله , الجامعة شيء جميل , واي احد يقولك عكس كذا ماعليك منه =)
الواحد مفروض يعيش هالمرحلة بكل لحظاتها القميلة
حتى الكرف بعد ما تتذكروه بعدين تحسوه كان جميل
ما اقول انه مافيه بنات مو كويسات ولازم تنتبهو منهم بس ماتحبسو
نفسكم وتعزلوها عن كل احد ^^
هنا ’ حكتب الحاجات اللي لها دخل بالجامعة ^^ سواء مواقف او حاجات تستفيدو منها او اي شيء
ليست هناك تعليقات:
إرسال تعليق